Митови и факти поврзани со крвниот притисок и пулсот

Општо е верувањето дека нивото на крвниот притисок е директно поврзано со отчукувањата на срцето.

Вистината е дека кога го мериме крвниот притисок, апаратот ја зема предвид силата со која срцето ја пумпа крвта во нашите артерии, додека пак пулсот ги брои срцевите отчукувања во минута.

Денес, ние рушиме неколку митови за врската помеѓу крвниот притисок и отчукувањата на срцето:

  1. Тие се секогаш поврзани

Ова е популарен, но сепак погрешен мит. Вистина е дека крвниот притисок и пулсот често се менуваат во исто време. Сепак, доколку пулсот се зголемува тоа немора да значи дека дека и вашиот крвен притисок се зголемува и обратно. Затоа е потребно да се гледаат резултатите од двете мерења одделно. Едниот резултат индицира на еден проблем, а другото на друг.

  1. Двата резултати имаат нормални вредности

Не постои такво нешто како “нормален” крвен притисок или пулс. За двете, постојат референтни граници што утврдуваат дали состојбата на едно лице е нормална. Сепак, сè е индивидуално. За оптимален крвен притисок, често се зема горната граница до 120 (притисок кога срцето се стега) и пониска граница од 80 (притисок кога срцето се релаксира) mmHg (милиметри жива). Што се однесува до отчукувањата на срцето во мирна состојба на телото, нејзината фреквенција е помеѓу 60 и 100 отчукувања во минута.

  1. Имате низок крвен притисок или пулс? Веројатно имате проблем.

Како што веќе рековме, она што може да биде нормално за една личност, може да биде индикација за проблем кај друго лице. За едно младо лице, срцевиот ритам од околу 50 отчукувања во минута (или дури 40) може да значи дека тој / таа е всушност во добра физичка форма. Нискиот крвен притисок кај постарите лица или кај оние со веќе воспоставени проблеми со срцето може да доведе до заблуда. Важна е општата состојба на лицето и сите симптоми кои, кога се комбинираат со резултатите, можат да укажат дали има проблем. Секогаш кога се сомневате, неопходно е консултација со лекар.

Sendo Advance 3 - Дигиталeн мерач на крвен притисок со HIRA технологија

  1. Високиот крвен притисок е поопасен од забрзаниот пулс.

Ова е всушност точно. Студиите покажуваат дека кога крвниот притисок е малку поголем од нормалниот подолг период, ризикот од проблеми со срцето се зголемува. Зголемениот пулс исто така може да биде проблем, но причината и ефектот е помалку јасна.

  1. Важно е кога ќе ги измерите крвниот притисок и пулсот.

Ова важи и за двата вида мерења. Како прво, треба да бидете смирени, а при мерење на крвниот притисок, добро е да немате физичка активност или конзумирано кафе пред мерењето. Ако мерите крвен притисок и пулс неколку пати на ден, за да добиете јасна слика за вашата состојба, треба да го земете просекот на вашите мерења.