Високиот крвен притисок и срцевиот удар

Врз здравјето на срцето влијаат многу фактори, од кои пред се животниот стил и присуството на други болести играат важна и клучна улога.

Хипертензијата (високиот крвен притисок) е број еден фактор на ризик за развој на кардиоваскуларни заболувања.

Развивајќи се тивко и незабележливо, често останува непрепознатливо, а со текот на возраста, станува се поизразено. Основните ризик фактори за висок крвен притисок се генетска предиспозиција, нездрав начин на живот, недостаток на вежбање, дебелина, пушење и последно, но не и најмалку важно - стрес. Една од најсериозните компликации на хипертензија е срцев удар.

Што е срцев удар?

Срцев удар (инфаркт) е буквално смрт на одреден дел од срцевиот мускул, што се јавува како резултат на недостаток на негово снабдување со крв. Ова отсуство главно се должи на блокада на крвните садови (атеросклероза) или присуство на згрутчување на крвта-тромб, што го блокира протокот на крв.

Како се дијагностицира висок крвен притисок?

Колку е честа болест е срцевиот удар?

Кардиоваскуларните заболувања предизвикуваат околу 4 милиони смртни случаи во Европа, што претставува 47% од вкупната смртност на континентот. Во Америка, срцевите заболувања се главната причина за смртност на населението. Кај мажите, инциденцата на срцев удар е поголема отколку кај жените. Покрај тоа, кај жените, срцевиот удар може да се појави подоцна - на околу 70 години, а кај мажите - околу 66 години.

Кои се факторите на ризик?

Главните причини за срцев удар се атеросклероза и хипертензија. Ризик факторите кои придонесуваат за појава на овие болести се:

  • Високо ниво на холестерол и триглицериди;
  • Дебелина;
  • Дијабетес;
  • Метаболичен синдром;
  • Старост;
  • Пушење;
  • Семејна историја на срцев удар;
  • Стрес;
  • Преголема употреба на сол;
  • Автоимуни заболувања.

Која е врската помеѓу храната и високиот крвен притисок?

Кои се симптомите?

Вообичаено, симптомите што се чувствуваат при срцев удар се гадење, повраќање, болка во градите, скратен здив, болки во стомакот, кашлица, вознемиреност. Не е задолжително секој пациент да ги доживее истите симптоми - тие често се разликуваат, секој случај е индивидуален. Важно е да се напомене, дека пациентите со дијабетес, може да немаат никакви симптоми на срцев удар.

Кои се компликациите?

Како и секоја болест, инфарктот може да доведе и до низа компликации, како што се ослабнување на срцето, болка во градите и многу повеќе.

Како може да му се помогне на пациент кој има срцев удар, надвор од болницата?

Ако некогаш некој има срцев удар, еве како да продолжите: - Ако лицето е во несвест или има некој од симптомите на срцев удар опишано погоре, веднаш повикајте брза помош; - Може да започнете масажа на срцето со фреквенција до 100-120 компресии во минута; - Ако сте поминале обука за прва помош, можете да комбинирате компресија со дишењето, како што ви покажале, но доколку не се чувствувате сигурни, ограничете се само на срцева масажа. Во случај, вие да имате срцев удар, веднаш повикајте брза помош или одете во најблиската болница. Земете лек за вазодилатација и доколку е потребно, аспирин. Поради фактот дека аспиринот содејствува со други лекови, не брзајте да го земате, освен ако вашиот лекар не го препорача.

Како да се заштитите?

Најдобри начини за спречување на срцев удар се: намалување на пушењето, намалување на алкохол, контрола на дијабетот и високиот крвен притисок, одржување оптимално ниво на холестерол и триглицерид, повеќе вежбање, помалку стрес.

Високиот крвен притисок и дијабетот?

Дали е важно кога ги земаме лековите за крвен притисок?