Дали е важно кога ги земаме лековите за крвен притисок?

Луѓето со висок крвен притисок кои земаат антихипертензиски лекови еднаш дневно, односно пред спиење имаат подобрo контролиран крвен притисок, за разлика од оние кои земаат лекови наутро.

Ова е резултат на нова студија, која исто така додава дека овие луѓе се изложени на значително помал ризик од проблеми со срцето и кардиоваскуларниот систем, за разлика од оние што наутро ги земаат своите лекови. Студијата, именувана како Project Hygia и објавена во European Heart Journal, е најголемо истражување кое го анализира периодот од денот, во кој пациентите ги земаат своите лекови и како тој период од денот влијае на ризикот од појавата на кардиоваскуларни проблеми. Вклучува речиси 20,000 пациенти кои земаат апчиња после будење или пред спиење. Веќе 6 години, лекарите собираат податоци со редовно мерење на крвниот притисок на пациентите и го следат нивното здравје.

Sendo Advance 3 - Дигитален мерач на крвен притисок

Научниците откриваат дека ризикот од компликации кај пациентите кои ги земале лековите пред спиење е намален за половина, вклучувајќи го и инфарктот на миокардот, мозочениот удар, срцева слабост или потреба од процедура за деблокирање на тесните артерии, во споредба со пациентите кои земаат лекови по будењето. Истражувањето исто така ги зема предвид факторите што можат да влијаат врз резултатите, вклучувајќи ја возраста на учесниците, полот, дијабетесот, заболувањата на бубрезите, пушењето и нивото на холестерол. При преглед на индивидуалните резултати, тие откриле дека ризикот од проблеми со срцето или кардиоваскуларниот систем е намален за 66%, ризикот од миокарден инфаркт е намален за 44%, ризикот од блокирани артерии за 40%, срцева слабост за 42% и мозочен удар за 49%. Тековните упатства за третман на хипертензија не препорачуваат одредено време за земање на лековите. Утринскиот внес е најчестата препорака од лекарите, со цел да се намали утринскиот крвен притисок. Сепак, нема истражувања што покажуваат дека третманот со лекови земени наутро го намалува ризикот од кардиоваскуларни заболувања. Сепак, резултатите од „Hygia Project“ покажуваат дека пациентите кои рутински ги земаат своите антихипертензиски лекови пред спиење, во споредба со оние кои ги земаат кога се будат наутро, имаат подобро контролиран крвен притисок и што е најважно, значително помал ризик од смрт поради компликации предизвикани од срцето и/или кардиоваскуларниот систем. Разговарајте со вашиот лекар кога е најдоброто време во текот на денот за земање лекови. Редовно мерете го крвниот притисок со правилен уред.

SENDO - точно мерења дома