Висок крвен притисок и студено време

Знаете ли кој е најлесниот и најефикасниот начин да го избегнете високиот крвен притисок во текот на зимата? Одговорот е добро облечете се.

Промената на годишните времиња директно влијае на крвниот притисок. Според лекарите поверојатно е крвниот притисок да има нормални вредности преку летото отколку во зима, независко во кој дел од светот живееме, на која надморска височина и во кој климатски појас. Докажано е дека ниските температури се поврзани со повисоки вредности на крвниот притисок. За луѓе кои преку целата година страдаат од хипертонија состојбата може уште повеќе да им се влоши и резултатите на апаратот за мерење на притисок да се покачат над очекуваните. Ова се должи на фактот зошто при ниски температури се стеснуваат крвоносните садови при што на срцето му треба поголем напор и оптеретување за да може да ја испумпа крвта кон артериите. Воедно на тој начин ниските температури водат кон покачување на крвниот притисок. Организмот како и кардиоваскуларниот систем се особено чувствителни на нагли промени на влажноста во воздухот. Можно е амплитудата на атмосверскиот притисок, облачноста па дури и силен ветар да имаат влијание на крвниот притисок на ист начин како и студеното време.

Дури и здравите луѓе, без кардиоваскуларни проблеми не се заштитени при такви временски услови. Според лекарите и кај овие луѓе има тенденција на покачен крвен притисок. Тие додаваат дека има и други можни причини, како што се пократките денови, помала физичка активност и зголемување на телесната тежина. Aко веќе имате висок крвен притисок, треба редовно да ги следите неговите нивоа, дури и откако ќе се промени сезоната.